好多人對美國食品彈多過讃, 原因他們烹調食物方法十分簡單, 沒有像歐洲人般花時間用各種配料放在食物上一起煮, 而我自己就覺得不論是哪一個國家食物, 只要新鮮好食是最重要.
講到美國食品, 除上篇文章提及過的American Breakfast外, 今次在NY旅程中食得最多的就是 New York Strip . 通常我會食16 ~ 20 oz 份量的, 作為食肉獸的我這份量就剛剛好, 記得第一次到美國食牛排是揀選超級巨形 Porter House, Size 足足比一般牛排重一倍有多 , 加上在美國食的全是美式份量, 大大塊牛排加 side dish係份量超多的薯蓉, 食到一半我已經覺無法再食下去, 這次的經歷可謂難忘. 其實大 size牛排是沒有細 size的這麼味美, 論肉質細件牛柳總比大大件 T-Bone 或Porter House來得幼嫩. 而我自己會喜歡中形份量 NY Strip.
美國牛排特色就是用炭火來烤, 沒有加上任何配料, 由上碟到你面前都是原汁原味, 通常食第一口時我不會加任何調味, 這樣就會試出這塊肉是否新鮮或試到廚師功力, 因為真正燒得靚牛排, 外面一定燒得較為香脆而內裡亦能保存到足夠肉汁.
在美國食一個 New York Strip一般只需 25 ~ 40美金 , 比香港足足平成半 . 相信對於一直認為食美式牛排是像食鞋底般朋友, 不妨試試用另一角品嚐這種食法
